الدعاة المودرن

بسم الله الرحمن الرحيم
ـــــــــــــــــــــــــــــــــــــــ

اليومين دول فى دعاة كل يوم بتظهر و ده يفرح طبعا
لكن هما مش فاهمين يعنى آيه داعى و كمان فاهمين
ان الداعى يبقى ستار و نجم يظهر ع الشاشة بمواعيد
محددة و ان الحكاية بزنس و فلوس ناس و مصالح
يعنى لو صاحب القناة عايز فتوى بتقول ان سرقة
الوصلات حرام عشان نتفرج ع ماتش يقول الفتوى و
يقول ان اللى بيعملو صاحب القناة مش احتكار و غير كده
كمان لما اتعرض لهجوم من دعاة تانيين زعل وقال انه
هيعتزل من التلفزيون كأنه نجم سينما او لاعيب كورة يا
جماعة ميصحش دا كمان لو حد حب يراسلوا ع النت عشان
يحكى له ع مشكلتو يقول انه مشغول و كان الله فى العون
اصلو بيحضر لرمضان الجاى ومش فاضى يرد ع رسايلكوا
طيب بالذمة يعنى ايه داعى لما ما يسمعش الشكاوى و
المشاكل بدل ما يروح لطبيب نفسى يقوله خد المهدىء ده
الداعى يقوله اقرأ سورة كذا و ادعى دعاء كذا واذكر ربك
فى الاخر الشباب متخذوه قدوة يروح يمين شمال وراه وراه
يا جماعة المفروض كل مسلم يكون داعى اذا كونا خير امة
اخرجت للناس نأمر بالمعروف و ننهى عن المنكر يعنى نبقى
دعاة و لكن اليومين دول يتلاقى أمثال الداعى اللى اتكلمنا
عنه من شوية أو تلاقيه متشدد بدرجة غريبة أو يكون معتدل
وهذه النوعية اللى رحمها ربنا و يا ريت نراجع نفسنا وما
نمشيش ورا اى حد و استفتى قلبك و لو افتوك