؟؟؟؟؟ شسوي بزوجي الخيانة تمشي بدمة ؟؟؟؟؟؟؟؟

انا ابغى رايكم بمشكلتي المعقدة لاني بصراحه حاسه ان بمنتصف الطريق ما اقدر ارجع ورى ولا اتقدم قدام

مشكلتي اني متزوجه من سبع سنوات لي بنت وولد رائعين زوجي يعاملني باحترام وعموما انا راضيه بحياتي معه تمر
علينا الكثير من الضوائق الماليه بس انا اصبر مع ان راتبه كبير ماشاء الله لكن سبحان الله مافيه بركه والسبب معروف -الزنـــا

طوال هذه السبع سنوات وانا احاول ارضيه مدلعته مؤدبه جدا معه ما اقصر بحقوقه بنظره انا زوجه مثاليه لو يلف الدنيا مايلقى ربعي << هذي طبعا جملته الي يكررها دائما >> احاول ارضيه دائما وكل فتره وفتره اساله اذا انا مقصره بحقه واطلب منه يقولي اي شي يشوفه مو عاجبه لاني احب اكون كامله بنظره وهو انواع المدح

انا بشهادة الجميع رشيقة وجميللللله مثقفة جامعيه ومؤدبه ذات دين وخلق ماعمري اخطات بحق نفسي او بحق زوجي من عائله معروفه كنت مدلله عند اهلي لما تزوجت مااثر الدلال على بالعكس كنت مطيعه وصابره وراضيه عن نفسي وهو يعاملني باحترام ويقول انه يموت فيني لكن للاسف

بينا تناقض في تفسير الحب هو عنده الحب = الجنس
انا عندي الحب = الحنان والعطف والاحساس بالامان واني القى رجال يخاف علي لو مرضت .. احس اني اقدر اعيش معه طول عمري وانا ماخاف من المستقبل مع هذا موفره له الحب من نظره لكن للاسف ماوفر لي الحب من نظري ومع هذا راضيه واحمد ربي لكن ياليت عجبنـــا ؟؟

للاسف عيشتي معه عيشة قلق وتوتر ما حس بالامان حاسه اني عايشه على كف عفريت اشك بسلوكياته واذا لاحظت عليه شي حلف ان مافيه شي من الي اقوله واني شكاكه

وانا مجرد مايحلف كنت اصدقه لان الحلف عندي شي عظيم مافيه شي يخلي الانسان يحلف على شي كذب بنظري
لكن بنظره الحلف هو << وسيله للهروب من المواجهه وانكار للغلط الي يسويه >>

المهم وش الي شفته منه

خيانه في خيانه

من اول سنه زواج كشفته يكلم بنات واجهته وقال غلطه

السنه الثانيه تكرر
الثالثه والرابعه والخامسه والسادسه مكالمات بجواله مشبوهه اذا واجهته انكر وحلف

تطوررت الخيانه

شفت فاتورة فندق حلف انها لصديقه حاجزله كلمت الفندق سالت عن الفاتورة اتضح ان كلامه غير صحيح لكن هو حلف ورقع السالفه

تطورت الخيانه اكثر اذا رحت لبيت اهلي خميس وجمعه باصرار مو طبيعي منه وجيت للبيت احس الاوضاع مريبه

لين ربي فضحة وانكشفت خيانته خيانه كامله صوره ورسايل جوال تدل ان فيه علاقه جنسيه كامله يعني زنا11111111111111

ثرت عليه وتهاوشت معه ورحت بيت اهلي وانا الان لي شهرين

عندهم ما ابدى اي اعتذار او ندم


انا عايشه بين نارين نار الطلاق واولادي اخاف اذا تطلقت ياخذهم مني لاني انا لسى صغيره عمري 28 واذا تطلقت باتزوج

او اني ارجع له عشان عيالي واضحي بنفسي وكرامتي وصحتي ؟؟

الي قاهرني انه انسان شايف نفسه ومغررررروووورر اذا غلط يدخل اصبعه بعينك ولا يعترف او يتاسف وهذا اكبر عيب فيه جلف جلف ما احس معه بالامان احس انه يبيعني عند اول مشكله ولا يذكر الايام الحلوة الي بينا


لاتقولون شوفي العيب الي خلاه يدور غيرك

هو اهم شي عنده الجنس وانا مششششششششششششبعته ودايم يمدح فيني ويقول ماليه عيني وراضي عنك ميه بالميه بالعكس انتي تستاهلين احسن مني

على فكره هو اكبر مني بعشر سنوات يعني هو الان داخل بالاربعين
مستعده اتحمله بعيوبه الا الخيانه صدمتني صدمه كبيره وخلتني ما عاد اثق بالرجل ولا بالحياة ولا بالحب بين الزوجين
ابغى اسمع رايكم بمشكلتي ؟؟؟