باللي عليه المتكل ؟

باللي علي المتّكل قلت وأبديت
واللي بطين الرمل نفسي خلقها.....؟
واللي على شانه بكيت وترجيت
وهليت دمعي فوق خدي رققها.....؟
واللي تطوف الناس لأجله على البيت
واللي الشعوب الكافره قد محقها.....؟
يالله ياللي فوق سبع(ن) تعلّيت
أشكوك من نفسي وهم(ن) لحقها....؟
أشكوك من ضيم الدهر يوم ونيت
ونّة مصوّب من رصاصه طلقها......؟
كني طريح الفرش لاحيّ لا ميت
والهم كل الهم روحي حرقها......؟
ارتاح وقت ومجمل الوقت هليت
دمعي على باب المواجع طرقها.....؟
ان طال همي عشت ولاّ توفيت
هذي حياتي عشتها في أرقها......؟
مع طلة النور ياهاجسي جيت
والمشكله نومي لعيني سرقها.....؟
ماعاد بكتب شعر ملّيت ملّيت
هذي القصايد بحرق أحلى ورقها......؟
باب الشعر ياهاجسي منه صكّيت
صكه على رجّال ماحد خرقها.......؟
ياطالب الشهره وياطالب الصيت
هذي حياة المعتزل لو تذقها.......؟
رجّال مامدّيت ماعشت مدّيت
ماهو بانا من ذي سلومه شنقها.....؟
ولاّ الرجال تقول كفّيت وفيّت
هذي الرجال اللي تعيش بعرقها.....؟
ياصاحبي ياللي عن العين أبطيت
تكفى ترى رساله ليمي تسقها......؟
ماأقول انا حبيت لاهنت حبيت
لكن رفاق الدرب منسى رفقها......؟
ان طال بعدك قلت ياصاحبي جيت
هذي مشاعر شخص علمه سبقها.....؟
حطيتني وسط الجمر ثم شبّيت
نارك على كبدي بتشرب مرقها.......؟
كبريت تشعل وسط قدرك على الزيت
تبغا تحط الزاد أصبح طبقها......؟
ياصاحبي مهما علينا تغليت
روحي ترى منته بزايد قلقها......؟
مرتاح لا عوّدت مرتاح لا أقفيت
مرتاح لو خلي بكلمه نطقها......؟




وسلامتكم........